வஸீலா தேடுதல் ...!!!

                வஸீலாத் தேடுவதற்கு                              திருக்குர்ஆனிலும், திரு நபி                        மொழியிலும் உண்டு...!!!

பனூ இஸ்ரவேலர்களில் ஒரு நல்ல மனிதர் வஸீலாத் தேடிய விபரம் ஸஹீஹ் முஸ்லிமில் பதியப்பட்டுள்ளது. இவர் இவ்வாறு பிரார்த்தித்தார்.'யா அல்லாஹ்! சூனியக்காரர்களின்  செயலை விட துறவியின் செயல் உனக்கு விருப்பமாயின், (மக்கள் செல்வதற்கு சூனியக்காரர்களால் தடை ஏற்படுத்தியிருக்கும்) மாட்டைக் கொண்று மக்களுக்கு வழி விடுவாயாக! என்று கூறி கல்லை எடுத்து அம்மிருகத்தை நோக்கி எறிந்தார். அம்மிருகம் உடன் கொல்லப்பட்டது. மக்கள் நிம்மதியாகச் சென்றனர்'

    ஆதாரம் - ஸஹீஹ் முஸ்லிம் பக்கம் 04 - 05

ஹஸறத் ஜாபிர் ரழியல்லாஹு அன்ஹு அவர்கள் அறிவிக்கிறார்கள் அதான் - பாங்கைச் செவியேற்கும் ஒருவர் அல்லாஹும்ம றப்பஹாதிஹித் தஃவதித் தாம்மா..... என்ற துஆவை ஓதுவாராயின், அவருக்கு மறுமையில் எனது ஷபாஅத் கடமையாகும். 'என்று றஸுலுல்லாஹி ஸல்லல்லாஹு அலைஹிவஸல்லம் அவர்கள் கூறினார்கள்'

              ஆதாரம் - ஸஹீஹுல் முஸ்லிம்

                       பாகம் 04 பக்கம்76

வீட்டில் அரவம் போன்ற விஷஷந்துக்களைக் கண்டால் நூஹ் நபியின் ஒப்பந்தத்தைக் கொண்டும், தாவூத் நபியின் மகன் சுலைமான் நபியின் ஒப்பந்தத்தின் பொருட்டைக் கொண்டும் எங்களைத் தொல்லைப்படுத்தாமல் அகன்று விடுக!. என்று கூறவும் என றஸுல்ஸல்லல்லாஹு அலைஹிவஸல்லமவர்கள் கூறினார்கள்.

      ஆதாரம் - திர்மிதி  பாகம் 01  பக்கம் 179

கண்பார்வை இல்லாத ஒரு ஸஹாபி பெருமானார் ஸல்லல்லாஹு அலைஹி வஸல்லமவர்களிடம் வந்து தனக்குக் கண்ணில் பார்வை வருவதற்குத் துஆச் செய்யுமாறு வேண்டினார். றஸுலுல்லாஹி ஸல்லல்லாஹு அலைஹிவஸல்லமவர்கள் அவருக்குப் பின் வரும் துஆவைக் கற்றுக் கொடுத்தார்கள்.

 யா அல்லாஹ்! நிச்சயமாக உன்னிடத்தில் கேட்கிறேன் றஹ்மதுடைய நபியாகிய உனதுநபியின் பொருட்டைக் கொண்டு உன்பால்முகம் திரும்புகிறேன். யாமுஹம்மது  (ஸல்லல்லாஹு அலைஹிவஸல்லம்) எனது நோக்கம் நிறைவேற வேண்டி எனது நாயன் பால் உங்களைப் பொருட்டாக்கி முகம் நோக்குகிறேன். யா அல்லாஹ்! என் விடயத்தில் ஷபாஅத்துச்செய்ய அன்னாருக்கு அனுமதி அளிப்பாயாக!

  மேற்படி ஹதீஸ் ஸஹீஹானது என அபூ இஸ்ஹாக் கூறுகின்றார்

         ஆதாரம் - இப்னு மாஜாஹ் பக்கம் 99

றஸுலுல்லாஹி ஸல்லல்லாஹு அலைஹிவஸல்லம் அவர்களின் வபாத்தின் பின்பும் ஸஹாபாக்களின் தேவைகளை நிறைவேறுவதற்காக இந்த துஆவைப் பயன்படுத்தியுள்ளனர். என்று இமாம் தபறாணி றஹ்மதுல்லாஹி அலைஹி அவர்கள் தங்களது முஃஜமுஸ்ஸஸீர் என்ற நூலில் பதிவு செய்து விட்டு இது ஸஹீஹான ஹதீஸ் என்றும் சான்று வழங்கி யுள்ளார்கள்.

             ஆதாரம் - தபறாணி  பக்கம் 103

றஸுலுல்லாஹி ஸல்லல்லாஹு அலைஹிவஸல்லம் அவர்களை அபூதாலிப் கையேற்ற போது இவர் மனைவி பாத்திமா பின்து அஸறத் ரழியல்லாஹு அன்ஹா அவர்கள் நபியவர்களை வளர்த்தார்கள்;. இவர்கள் வபாத்தான பின் நபியவர்கள் கப்றில் இறங்கி தங்களின முபாறக்கான திருக்கரத்தினால் பிள்ளைக் குழியைத் தோன்டினார்கள்.

 பின் அதில் படுத்தவர்களாகப் பின்வரும் துஆவை ஓதினார்கள்.

 உயிர்ப்பித்து மரணிக்கச் செய்யும் அல்லாஹ் அவன் உயிருள்ளவன், அவன் மரணிப்பதில்லை! எனது தாயாகிய பாத்திமா பின்தி அஸதின் பாவத்தை மன்னிப்பாயாக! உனது நபியின் பொருட்டினாலும் எனக்கு முன் வந்த நபிமார்களின் பொருட்டினாலும் அவரது கப்ரை அவருக்காக விசாலப்படுத்துவாயாக! நிச்சயமாக நீ கருணாகாரணாக உள்ளாய்!

இந்த ஹதீதை இமாம்களான தபறாணி, இப்னு ஹிப்பான் ஹாகீம், இப்னு ஷபா, இப்னு அப்துல்பர்ளு, அபூ நுஐம், சுயூத்தி றஹ்மதுல்லாஹி அலைஹிம் உள்ளிட்ட இமாம்கள் அறிவித்துள்ளனர்.

மேலும், றஸுலுல்லாஹி ஸல்லல்லாஹு அலைஹிவஸல்லம் அவர்கள் பள்ளிவாசலுக்கு நடந்து செல்லுகையில் யா அல்லாஹ்! உன்னிடம் கேட்போரின் பொருட்டை (ஹக்கை)க் கொண்டுகேட்கிறேன்.  மேலும் எனது இந்த நடையின் பொருட்டை(ஹக்கை)க் கொண்டும் கேட்கின்றேன். எள்று பிரார்த்திப்பார்கள்.

        ஆதாரம் - இப்னுமாஜாஹ்  பக்கம் 56

 ஒருவரின் ஹக்கை- பொருட்டைக் கொண்டு கேட்பது ஷிர்க்காக அல்லது தடைசெய்யப்பட்டதாக இருக்குமாயின், இது போன்ற அறிவிப்புக்களை ஹதீஸ் கலை மேதைகள் ஒரு போதும் இதனை ஹதீதாக அறிவித்திருக்க மாட்டார்கள். மேற்படி ஹதீதின் அறிவிப்பாளர்களில் சிலர் பலவீனர்களாளாக இருப்பதனால் இந்த ஹதீஸ் ழஈபாக உள்ளது என்று குறை கூறுகின்றனர்.

றஸூலுள்ளாஹி ஸல்லல்லாஹு அலைஹிவசல்லம் அவர்கள் பள்ளிவாசலுக்குச் செல்லும்போது பின்வரும் துஆவை ஓதுவார்கள்.

யாஅல்லாஹ்! நிச்சயமாக (உன்னிடம்) கேட்கக் கூடியவர்களின் ஹக்கை (பொருட்டை)க் கொண்டும், எனது இந்த நடையின் ஹக்கை (பொருட்டை)க் கொண்டும் உன்னிடம் கேட்கிறேன்.

ஆதாரம் : இப்னு மாஜா, பக்- 56

ஒருவரின் ஹக்கை (பொருட்டை)க் கொண்டு வஸீலாத் தேடுவது ஷிர்க் என்றோ அல்லது குற்றம் என்றோ தடைசெய்யப்பட்டிருப்பின், ஹதீஸ்கலை மேதைகள் இப்படியான அறிவிப்புக்களை ஹதீதுப் பெரு நூற்களில் பதிவு செய்திருக்கமாட்டார்கள் என்பதை புத்தியுள்ள அனைவரும் புரிந்து கொள்ளுதல் வேண்டும்.

மேற்கண்ட ஹதீதை அறிவித்தவர்களுள் சிலர் பலவீனமானவர்கள் என்று சில வாதிக்கின்றனர். இக்கூற்று ஏற்கத்தக்கல்ல ஏனெனில், இதே அறிவிப்பாளர்களை சில ஹதீஸ்கலை மேதைகளான ஹாபிழ்கள் சஹீஹானவர்கள் என்று சான்று பகர்ந்துள்ளனர். இவர்களை சிலர் பலவீனமானவர்கள் என்று கூறியிருக்கலாம். இது ஓர் ஏகமனதான கூற்றல்ல. அதனால் சிலரின் கூற்றுக்களை வைத்து தீர்க்கமான முடிவுக்கு வர முடியாது.

பொதுவாக வஸீலாத் தேடுவதற்கு திருக்குர்ஆனிலும், திரு நபி மொழியிலும் பல ஆதாரங்கள் இருக்கின்றன. மேற்படி ஹதீஸ் வஸீலாத் தேடுதல் கூடும் என்ற வாதத்திற்கு மேலதிகமான ஆதாரமே அன்றி மூல ஆதாரமல்ல. வஸீலாத் தேடுவது ஷிர்க் என்று சிலர் வாதிக்கின்றனர். அப்படியாயின், வஸீலாத் தேடுவது ஆகும் என்றுவரும் ஹதீதை சஹீஹானது என்று எப்படி ஹாபிழ்கள் தங்கள் நூற்களில் பதிவுசெய்வர்? சிந்திக்க வேண்டும்! இவர்களின் பதிவே வஸீலாத் தேடுதல் கூடும் என்பதற்கான தக்க சான்றுகளாகும்.

அமீறுல் முஃமினீன் ஹளரத் முஆவியா ரலியல்லாஹு அன்ஹு அவர்களின் ஆட்சிககாலத்தில் கடுமையான வரட்சி நிலவியது அப்போது ஹளரத் யஸீதுப்னு அஸ்வத் அல்ஜூர்ஷி ரலியல்லாஹு அன்ஹுவை வஸீலாவாக்கி பின்வருமாறு மழை தேடி பிரார்த்தித்தார்கள்.

யாஅல்லாஹ்! நிச்சயமாக இன்று நாங்கள் எங்களில் நல்லவரும், சிறப்பானவருமான யஸீத் இப்னு அஸ்வத் அல்ஜுர்ஷி என்பவரை (வஸீலாவாக்கி) உன்னிடம் சிபாரிசு தேடுகின்றேன். (மழையை பொழியச் செய்வாயாக!)

ஆதாரம்: தபகாத் இப்னு ஸஃது, பக்கம் 7, பக். 444

ஆதி பிதா நபி ஆதம் அலைஹிஸ்ஸலாம் அவர்கள் நபியவர்கள் இவ்வையகத்தில் பிறப்பதற்கு முன்பே அன்னாரின் பொருட்டைக் கொண்டு வஸீலாத் தேடிப் பிரார்த்தித்த வரலாறு சஹீஹான ஹதீதுக் கிரந்தங்களில் பதிவு செய்யப்பட்டுள்ளது. இதனை இமாம் ஹாகீம், இமாம் தப்றானி இமாம் பைஹகி றஹிமஹுமுல்லாஹ் ஆகியோர் தங்களின் ஏடுகளில் பதிவு செய்துள்ளனர்.

ஒரு தினம் அப்பாஸிய கலீபா மன்ஸூர் அவர்கள் ஹஜ்ஜை முடித்துவிட்டு மதீனத்துல் முனவ்வறாவுக்கு புனித ஸியாரத்தை மேற்கொள்வதற்காக சென்றிருந்தார். அங்கு மாலிக் றஹ்மத்துல்லாஹி அலைஹி அவர்களும் இருந்தார்கள். இமாமவர்களைப் பார்த்து கலீபா மன்சூர் இவ்வாறு கேட்பார். இமாமவர்களே! இப்போது எவ்வாறு நான் பிரார்த்தனை செய்ய வேண்டும். புனித ரௌலாவை முன்னோக்கி புனித கௌபாவுக்கு பின் காட்டியா? அல்லது கஃபாவை முன்னோக்கி புனித ரௌலாவுக்கு பின் காட்டியா? இமாமவர்கள் பதில் கூறினார்கள்.

றஸூலுள்ளாஹி ஸல்லல்லாஹு அலைஹிவசல்லமவர்களுக்கு எதற்காக நீர் பின்காட்ட வேண்டும். அவர்கள்தான் உமக்கும் உமது தந்தை நபி ஆதம் அலைஹிஸ்ஸலாம் அவர்களுக்கும் அல்லாஹ்விடம் வஸீலாவாக இருக்கின்றார்கள். ஆதலால் நபியவர்களையே முன்னோக்கி அவர்களை வஸீலாவாக்கி வஸீலாவாக்கி அல்லாஹ்விடம் பிரார்த்தனை செய்யுங்கள். திருக்குர்ஆனில் அல்லாஹுத்தஆலா கூறுகின்றார்கள்.  ‘அவர்கள் தமக்குத்தாமே தீங்கிழைத்துக்கொண்டே சமயத்தில் உம்மிடம் வந்து, அல்லாஹ்விடம் பாவ மன்னிப்பைக் கோரி அவர்களுக்காக (அல்லாஹ்வுடைய) தூத (ராகிய நீ)ரும் பாவ மன்னிப்பைக் கோரியிருந்தால், அன்புடையோனாகவும் மன்னிப்புடையோனாகவும், அல்லாஹ்வை அவர்கள் கண்டிருப்பார்கள்.

(4-64)

இந்த வரலாற்றுக்குறிப்பை இமாம் காழி இயாழ் றஹ்மத்துல்லாஹி அலைஹி அவர்கள் தங்களது புகழ்பூத்த ‘ஷிபா’| என்ற நூலில் சஹீஹான அறிவிப்பாளர் தொடருடன் கூறியுள்ளார்கள். மேலும் இதே விடயத்தை அல்லாமா கஸ்தலானி றஹ்மத்துல்லாஹி அலைஹி அவர்கள் மவாஹிபுல்லதுன்னிஸா என்ற நூலிலும் கூறியிருப்பதுடன் அநேகமானவர்கள் தங்கள் நூற்களிலுல் கூறியுள்ளார்கள்.

பாவா ஆதம் அலைஹிஸ்ஸலாம் அவர்கள் நபிகள் நாயகம் ஸல்லல்லாஹு அலைஹிவசல்லமவர்களை வஸீலாவாக்கி செய்த பிரார்த்தனையின் வரி வடிவத்தை ஹாபிழ் இமாம் சுயூத்தி றஹ்மத்துல்லாஹி அலைஹி இவ்வாறு வறைகின்றார்கள்.

‘யாஅல்லாஹ்! நான் உன்னிடம் உனது நல்லடியார் முஹம்மது ஸல்லல்லாஹு அலைஹிவசல்லமவர்களின் நற்பதவியையும், அவர்களின் கண்ணியத்தையும் பொருட்டாக்கி உன்னிடம் கேட்கிறேன். எனது தௌபாவை ஒப்புக் கொள்வாயாக!

ஆதாரம்: தப்ஸீர் துர்ருல் மன்தூர்,

பாகம் - 1, பக் - 146

பிங்யா என்ற சட்ட நூலில் பின்வருமாறு பதியப்பட்டுள்ளது.

நபிமார்கள், வலிமார்களை அவர்கள் உயிருடன் இருக்கும்போதும் மரணத்தின் பின்பும் அவர்களை வஸீலாவாக்கி பிரார்த்திப்பது ஷரீஅத்தில் அனுமதிக்கப்பட்டதாகும். இதனை உறுதிசெய்யும் ஸஹீஹான ஆதாரங்கள் ஏராளமாக உள்ளன. பாவா ஆதம் அலைஹிஸ்ஸலாம் அவர்களும், கண்தெரியாத ஒரு சஹாபியும் நபியவர்களை வஸீலாவாக்கிக் கேட்ட பிரார்த்தனை தக்க சான்றாகும்.

எமது ஷெய்குமார்களிடம் நாம் கற்றவைகளும், அவர்கள் அவர்களின் ஷெய்குமார்களிடம் கற்றவைகளும் (இப்படியாக ஒருவர் பின் ஒருவராக நபியவர்கள் வரை கற்றவர் யாவரும்) வஸீலாத் தேடுவது ஆகும் என்றே உள்ளது. முஸ்லிம்கள் வாழும் அனைத்து ஊர்களிலும் வஸீலாத் தேடப்படுகின்ற வழக்கம் உள்ளது. நன்கு கற்றுத் தேர்ந்த இவர்கள் மக்கள் பின்பற்றுவதற்கும் வழிகாட்டுவதற்கும் தகுதியானவர்களாகும். இவர்கள்தான் ஷரீஅத்தின் சட்டங்களை நாம் கற்றுக் கொண்டோம். இவர்கள் எல்லோரும் வஸீலாத் தேடியதனால் காபிராகி விட்டார்கள் என்று சில மடையர்கள் கூறுவது உண்மையாயின், ஷரீஅத் முஹம்மதியா ஒரு பிழையான ஓடத்தில் உள்ளதாக முடிவு செய்ய வேண்டி வரும் (நஊதுபில்லாஹ்!).

ஆதாரம் : பிங்யா, பக்கம் 297

குவலயம் போற்றும் குத்புல் அக்தாப் முஹ்யத்தீன் அப்துல் காதிர் ஜீலானி கத்தஸல்லாஹு ஸிர்ரஹுல் அஸீஸ் அவர்கள் கூறுகின்றார்கள்.

துறவிகள், நல்லடியார்கள், உலமாக்கள், கண்ணியத்திற்குரியவர்கள், மார்க்கப் பற்றுள்ளவர்கள் உள்ளிட்டவர்களை முன்னிறுத்தி வஸீலாத் தேடுவது முஸ்தஹப்பு (சுன்னத்) ஆகும்.

ஆதாரம்: குன்யத்துத்தாலிபீன்,

பாகம் - 2, பக். 128